منير فلاج: “زُوومْ على أحداث الأحد: وِينْ تْحُط نفسك تْصِيبْها…”

الصّدفة حكمت انّ النّداء و الجبهة الشعبيّة اليوم الزّوز عندهم نشاط و لقاء بإطاراتهم…
جماعة النّداء تفاهمو باش يتلاقاو في الحمّامات بدعوة من امينهم العام على خلفيّة زيارة العدل المنفذ لمقرّهم لدعوة مجموعة من القياديين لإجتماع سميّ بالمصيري للهيئة المؤسسة للحزب…
اليوم و هوما في النّزل هكّة و تهجم عليهم مجموعة من الأذرعة المفتولة مسلّحة بهراوات و عصيّ قيل انّ رضا بلحاج و حافظ ولد بوه ارسلوهم بعد ما مرشنوهم لتكسير الإجتماع…
ودخلت بعضها و ولّى الإجتماع فك يدّي من شوشتك و قالو ديقاج المشهورة في وجه صاحب مقولة الفوت اوتيل سي بوجمعة الرّميلي …
و بدات التصريحات المندّدة من الجانبين و تبادل التّهم و إعلان إمكانيّة انسحاب ثلاثين نائبا من كتلة النّداء الخ..
في نفس الوقت و بقاعة الكوليزي بالعاصمة إجتماع جماهيري حاشد لكوادر و أحبّاء الجبهة الشعبيّة لإحياء الذكرى الثالثة لتكوينها…
إجتماع يجمع اكثر من حزب و ثلّة من المستقلين آمنوا بالإلتقاء في جبهة حول برنامج و أهداف مشتركة…
كان حفلا ثقافيّا بأتم معنى الكلمة حضرت فيه الموسيقى لياسر الجرادي و أمال الحمروني و ألقيت كلمات بالمناسبة لأمناء الأحزاب المكوّنة للجبهة و إختتمها النّاطق الرّسمي حمّة الهمّامي ولد الشعب بخطاب منهجي….
كان الإجتماع ثقافياّ بإمتياز حيث إشتمل تكريم ثلاثة فنّانين كرّسوا مشوارهم الفنّي من أجل إرساء ثقافة وطنيّة ديمقراطيّة و هم الممثل الكبير أحمد السّنوسي و شاعر الخضراء الصّغير أولاد أحمد و المسرحي الرّاحل يحيى يحيى….
الفرق واضح ما بين حزب العصابات و الهروات و أحزاب مللّي تكونت في السرّية و هي ملتصقة بالحراك السّياسي و الإجتماعي للشعب التونسي…..
الحاصيلو وين تحط نفسك تصيبها…