جديد الفنان الملتزم لزهر الضّاوي: نادِي..يْجِيكشْ “بن غذاهم”

توّة الكُلّة..جرّبناهم..
ب “نهضتهم”..ب”نداهم”
كيف “النخلة”..ك”الزيتونة”..
كاللي زرعهم..كاللي سقاهم..
..واللي على الرّبوة متفرّج..
حتى هو..زادة مساهم..!!
..وانتي يا “تونس”..مغبونة..
مريضة..قريب تموتي بداهم
ومنهم هاك صرتي مرهونة
في جُرّة “دين جد باباهم”..!!
..فزّي يا بلادي الممحونة..
ويزّينا ما عانيناهم..
فزّي ..وما تبقي تستنّي
ونادي يجيكش “بن غذاهم”..؟!
..خمسة سنين فيهم مرجونا :
“مصايب “..و ” فضايح “..و” شواهم ”
…خمسة سنين وطريقك ضايع..
بين” الواهم”.. و”الموش فاهم”..
خمسة سنين..تقول سحرونا..؟!
..سكتنا على خلاهم وجلاهم..
..كارنا ..ب”كاغط”… هزّيناهم..
وفي “سطل الزبلة”..رميناهم”..!
…سيّبنا ” الكلب”..مع ” الكلبة “..
واليوم وحلنا…..في ” جراهم “..!!!
*******************************
(قفصة: 04/ 11/ 2015)